KAIBIGAN
Errol John M. Antonio
Kaibigan na tunay ay laging tapat
Hindi humihingi ng katapat,
Ang tulong ay libre sa lahat ng oras,
Saya man o lungkot ang dinaranas.
Kaibigang mabait at marangal,
Kaibigang minsa’y hindi umangal,
Sa lahat ng segundo’y maasahan
Sapagkat ika’y pinagkakatiwalaan.
Sila’y nandiyan kahit magtiis
Kapalit nito’y ngiting kay tamis,
Minsa’y kalungkutan ay napapawi
Sa katapatang hindi binabawi.
Kaibigang tapat, kaibigang lubos
Kayamanang kailanma’y hindi mauubos,
Kaibignag matalik, kaibigang tunay
Katapatan at pahammahal ang inialay.
No comments:
Post a Comment