ISANG MANIFESTO PARA SA KABATAANG PILIPINO

Ni Rene Angelo G. Ambrocio

Itinuturing ng mga pilipino ang pagkakaroon ng edukasyon bilang isang kayamanan, kayamanan na hindi mananakaw kailan man. kayamang ipagmamalaki at magiging susi para sa kinabukasan.

Sabi nga ng ating pambansang bayani na si Dr. Jose P. Rizal na “Ang kabataan ang pag asa ng bayan”, totoo ang sinabi ng ating pambasang bayani ngunit magiging mas epektibo ito kung ang kabataan ay may sapat na karunungan na makukuha lamang sa eskwekahan.

Kailangan mag-aral ang mga kabataan. Ito ang magdudulot sa atin para sa kinabukasan. Iwasan ang mga masasamang bisyo at lumakad sa ilaw ng pag aaral. Magsikap ng maigi hangga't maag pa, para sa huli hindi tayo magsisi. Mabuti ng ngayon tayo magsunog ng kilay kaysa bukas tayo ay nakatunganga.

Mag aral ng mabuti hangga't may panahon pa. Wag antayin ang bukas na dumating at tayo ay magsisi dahil pinapalampas natin ang pagkakataon para mag-aral. Ngayon, tayo ay may pagkakataon, minsan lang ito dadaan kaya hangga't maari ay huwag tayong mag-sawa sa pag-aaral dahil balang araw, ito ang ating magiging sandata para harapin ang bukas.

ISANG MANIFESTO HINGGIL SA KATOTOHANAN PARA

SA MGA KABATAAN

Ni Allen Kristoffer A. Andres

Nang isinilang tayo sa mundong ito, labis ang tuwa ng ating mga magulang. Halos buong panahon nila ay iginugol sa pag-aalaga sa atin. Noong tayo’y ipinagbubuntis pa lamang ay marami na agad pangarap ang mga ito sa atin. Isa na dito ang pagiging doktor, inhinyero at nars. Ang iba naman ay gusto tayo maging abogado.

Paano natin makakamit ang mga ito? Ano kaya ang mga dapat isaalang-alang at iwasan upang makamit ang mga ito?

Maraming mga kabataan ang nalululong sa masasamang bisyo. Dahil na rin dito kaya naiiba ang landas ng ilan. Sinong dapat sisihin? Ang magulang ba o tayo? Isang katotohanan na nakakapagbigay ligaya ang bisyo ngunit makakahadlang ito sa tagumpay kung magpapadala tayo dito. Ika nga nila, “Kabataan, Pag-asa ng Bayan!”. Paanong magiging pag-asa ang kabataan kung mismong tayo ay lulong sa masasamang bisyo?

Tayo na mga kapwa kabataan! Tayo na at patunayan natin na kabataan talaga ang pag-asa ng bayan!

PANAWAGAN: ISANG MANIFESTO HINGGIL SA PAGBABAGO

NG MGA KABATAAN

Ni Errol John M. Antonio

“Kabataan ang pag-asa ng bayan”, buhay pa ba ang kasabihang ito? Kabataan tayo nga ba ang pag-asa? Tayo nga ba? Tayong mga kabataan sa panahong ito ay may sapat na kakayahan upang maging pag-asa ng ating bayan, ngunit sadyang may mga humahadlang sa daan patungong pag-asa at isa rito ay ang ating mga bisyo.

Sadyang malikot ang ating mga isipan, kung anu-ano ang ating naiisip at karamihan sa mga ito ay nagiging bisyo. Dapat nga ba tayong umiwas sa mga bisyo? Lahat sa ating mga kabataan na may bisyo ay hindi na kinakailangang mag-dalawang isip ukol sa tanong na iyon. Alam na natin kung tayo’y hindi iiwas, ang ating buhay at kinabukasan ay masesentro sa mga ito. Mabubuhay tayo sa mga bisyong ating kinagawian.

Sa madaling salita, ang pagkakaroon ng bisyo ay maaaring hindi na maging kontrolado kinalaunan. Tayo ay daranas ng walang hanggang paghihirap sa malubhang karamdaman, ang kahihinatnan ay piitan, institusyon o maging kamatayan. Hindi ba marami nang pangyayari ang naganap at masama ang naging resulta nang dahil sa bisyo?, maaring pati ikaw ay naranasan na ang mga pangyayaring iyon.

Bakit nga bang kailangang umiwas? Hindi na pinag-iisipan pa ang tanong na iyan, tayo’y iiwas para sa ating kinabukasan. Hindi ba tayo naawa sa ating mga magulang na dugo’t pawis ang tiniis para lang tayo’y kanilang mapag-aral at ganito na lamang ba ang isusukli natin sa kanila? Kapag tayo’y hindi umiwas, sino ba anag kawawa? Hindi ba tayo!? Huwag nating hayaan mangibabaw ang kahihiyan sa ating mga kabataan. Oras na para umiwas, oras para magbago, oras sa panibagong kinabukasan.

KATOTOHANAN SA PAG-AARAL

Ni Victorino M. Aranza IV

Lahat ng tao ay nagnanais ng isang pamilyang may kumpletong miyembro na nagtutulungan sa oras ng kagipitan. Ngunit madaming problema ang kakaharapin mo upang magkaroon ka nito. Malaki ang responsibilidad mo sa magiging anak mo kapag bumuo ka na ng iyong pamilya. Isa na rito ang pagpapa-aral mo sa anak mo.

Bakit ba kailangan pang mag aral? Kailangan ba nating seryosohin ito? Malaki ang parte sa buhay ng isang tao ang pag aaral. Ito ang pundasyon ng isang tao sa pagtahak ng buhay. Masuwerte ka na kung makatapos ka ng hayskul. Alam mo ba na hanggang hayskul lang ang responsibilidad ng isang magulang para sayo. Kaya masuwerte ka kapatid dahil ngayon nasa kolehiyo ka.

Hindi biro ang mag-paaral sa kolehiyo sa panahong ito. Tignan na lang sa matrikula na binabayaran tuwing termino ng semestre. Halos kalahati ang diperensya ng presyo sa pag aaral sa hayskul. Hindi din biro ang mga akademikong kinukuha. Biruin mo ang paggugol mo ng isang taon sa hayskul ay tatapusin mo lang ng isang oras sa kolehiyo.

Magpasalamat ka kapatid sapagkat nasa antas ka ng mga masusuwerteng kabataan. Pasalamatan mo ang diyos at mga magulang mo. Wag mong ipagsawalang bahala ang oportunidad na makapag aral sa kolehiyo. Wag mong ubusin ang dugo at pawis ng magulang mo kung san saang bagay na hindi mo naman kinakailangan. Wag mong sayangin ang magandang bukas na naghihintay sayo kapatid at sa akin.

MANIFESTO HINGGIL SA PAGPAPAMULAT SA KATOTOHANAN

Ni Kenneth Q. Bagadiong

Napakadaming kabataan ngayon, lalo na at mga mag-aaral ang nalululong sa masasamang bisyo. Ito ang pangunahing dahilan kung bakit napakadaming napapariwara ang buhay. Hindi ba nila naiisip na ito ang magiging daan sa kasiraan ng dapat sana ay maayos nilang kinabukasan?

Talaga namang mahirap kumawala sa pangil ng masamang bisyo,lalo at ikaw ay lulong na dito ngunit hindi kailan man nawawalan ng paraan para mapigilan masakit mang isipin ay talagang damang dama na ang krisis pagdating sa ganitong usapin. Hindi malayo na sa susunod pang mga taon ay lalo pa itong lalala at magdudulot pa ng malaking pagkasirasa kinabukasan.

Bakit ko nasabi na masisira ang kinabukasan ng ating bansa kapag nalulon sa masamang bisyo ang karamihan sa mga kabataan, lalo na sa kapwa ko mag – aaral dahil ito sa kadahilanang “Ang kabataan ang natitirang pag asa ng ng ating bansa”. Kung mapapariwara pa ang buhay namen na sinasabing “natitirang pag asa ng bayan” anu kaya ang mangyayari sa ating bansa.

Naniniwala pa rin ako na ang bawat krisis na dumadating ay may katapusan.Ito ay maisasaaoys kung mismong mga kabataan, lalo na at yaong mag aaral na lulogn sa masamang bisyo ay matutunang tanggapin ang kanilang mga pagkakamali at buksan ang kalooban para sa pagbabago. Sa ganoong paraan ay tiyak maitutuwid ang mga pagkakamali at matitiyak ang kinabukasan ng bawat isa pati na rin ang bansa.

“NEGATIBONG POSITIBO”

Ma. Rowena Vhea L. Vizmanos

Alam naman natin lahat ng bagay sa mundo ay maraming negatibong naidudulot sa atin. Katulad ng computer,bisyo,at iba pa. Kung ang kahulugan lang ng bisyo ang tutukuyin natin, wala itong pwedeng maidulot sa ating maganda, pero kung susuriin mo ng mabuti at pag –aaralan makikita mo ang mga posibling magagandang bagay na maidulot nito sa atin.

Sa tingin ng mga nakakatanda, ang pagkakahilig ng mga kabataan ngayon sa kompyuter ay hindi ito nakakatuong sa pag-aaral ng mga kabataan. Dun sila nagkakamali. Ang kompyuter ay maraming naidudulot na maganda. Nakatutulong ito sa mga estudyante para mapadali ang kanilang paghahanap ng mga bagay bagay na kailangan sa paaralan, at hindi na nila kailangan pang pumunta sa iba’t ibang lugar para lamang maghanap. Kaya nga ginagamit na rin ito sa mga paaralan. Hindi lang ito para sa mga estudyante, para din ito sa mga kabataan ang mga nakatatanda pa, nakakatulong ito para lumawak ang kanilang kaisipan. Katulad ng mga taong naghahanap ng trabaho, sa mga kabataan ay mas lumalawak naman ang kanilang kaalaman. Ang kompyuter kasi ay maraming nilalaman, kung saan nakakatulong sa atin sa pang araw-araw na buhay. Pwede ditong maglagay ng mga komersyal kong saan mas madaling manghikayat ng mga tao.

Sa kalagayan natin ngayon mas masasabi ko na umuunlad an gating bansa dahil sa mga bagay na katulad nito.

PINAGMULAN:

LIKHA Sa Makabagong Henerasyon

nina:

ANTONIO, E.J

ANDRES, A.K

AMBROCIO, R.A

ARANZA, A

BAGADIONG, K

ng:

UNIVERSITY OF THE EAST